Lajmi Fundit
LajmiFundit, Portal me Lajme nga Shqiperia

Skuqja dhe irritimi i lëkurës, simptomë që tregon se mund të jeni prekur nga COVID-19

Skuqja dhe irritimi i lëkurës është shtuar në listën e simptomave të pacientëve të prekur me COVID-19, kanë bërë të ditur zyrtarë shëndetësorë në Britaninë e Madhe, ku 1 në 11 pacientë kanë pasur probleme të tilla, shkruan Daily Mail.

Akademikët nga kolegji King në Londër kanë mbledhur të dhënat e 20 mijë britanikëve që kanë rezultuar pozitiv me COVID-19, ku kanë vërejtur në trupin e tyre skuqje dhe irritim të lëkurës.

Ata vërejtën se 9 për qind e të infektuarve vuanin nga irrimiti i lëkurës, dhe tani po kërkojnë që edhe zyrtarisht t’i shtohet listës së simptomave të personave të prekur me COVID-19, shkruan tg.

Sipas tyre, të gjithë ata që kanë simptomë të tillë, duhet vëzhguar nga ekspertët e sëmundjeve ngjitëse. Zyrtarë shëndetësorë në Britani të Madhe, deri më tani kanë konfirmuar vetëm tri simptoma – temperaturë, kollë të vazhdueshme dhe humbje të shijes.

Në anën tjetër, në SHBA, Qendra për Kontrollin dhe Parandalimin e Sëmundjeve, ka paralajmëruar për 11 simptomat “bazë” siç janë dhimbja e kyçeve, dhimbje koke, skuqje të fytit dhe frymëmarrje të shkurtuara.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet