Mori pjesë në konfliktet në Irak, ish luftëtari i ISIS dënohet 30 vjet burg në Francë

Bota
Mori pjesë në konfliktet në Irak, ish luftëtari i ISIS

Një gjykatë në Paris ka dënuar një francez me 30 vjet burgim për krimet e kryera në Siri në vitet 2013-2015, pasi i njëjti ka qenë pjesëtar i grupit militant, Shteti Islamik.

Tyler Vilus, 30-vjeçar, i konvertuar në fenë islame, u gjet fajtor për bashkëngjitje me grupin militant Shteti Islamik (IS) dhe për akuza për vrasje.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Hetuesit besojnë se Vilus ka qenë pjesë e Al-Muhajireen, një grup i luftëtarëve të huaj, kryesisht nga Kaukazi i Veriut dhe nga vendet e Azisë Qendrore, që janë përgjegjës për tortura dhe ekzekutime të kryera në Siri. Më 2015, ky grup ishte larguar nga IS-i dhe i ishte bashkuar Frontit Al-Nusra, grup i lidhur me Al-Kaidën.

Prokurorët e kanë akuzuar Vilus për mbikëqyrjen e ekzekutimeve, teksa ka qenë një prej figurave kyçe të IS-it.

Në një video propaganduese të publikuar nga IS-i më 2015, Vilus shihet teksa qëndron rreth dy metra larg disa të burgosurve, të cilët më pas janë ekzekutuar, shkruan Rel.

Vilus pretendon se kishte qenë duke kaluar në atë zonë, kur është xhiruar kjo video. Por, prokurorët besojë se Vilus – që u arrestua më 2015 në Turqi, teksa ishte nisur për në Pragë – dëshironte të kthehej në Francë për të kryer sulme terroriste.

Vilus ka pranuar se ka pasur kontakt me Abdelhamid Abaaoud, i cili dyshohet se është ideatori i sulmeve terroriste në Paris në nëntorin e vitit 2015, ku u vranë 130 persona.

Prokurorët kishin kërkuar dënim me vdekje për Vilus, por gjykatësi tha se do t’i japë një dënim më të lehtë, që të ketë shpresë se ai mund të “përmirësohet”.

ME TE LEXUARAT