Lajmi Fundit
LajmiFundit, Portal me Lajme nga Shqiperia

Shqiptari me 27 mijë euro poshtë krevatit, policia italiane: Nuk i justifikon puna që bën

Policia italiane ka sekuestruar një sasi të madhe parash gjatë ekzekutimit të 29 masave paraprake, kuadër të operacionit të koduar “Paride”, të koordinuar nga Drejtoria e Qarkut Antimafia e Potenzës, kundër një organizate të trafikut të drogës.

Sipas burimeve nga gazetat italiane, nën krevatin e një shqiptari të arrestuar janë gjetur 27 mijë euro dhe ai nuk ishte në gjendje të justifikonte prejardhjen e tyre.

Hetuesit kanë deklaruar se shuma e parave të gjetura në shtëpinë e pesë prej të arrestuarve është “plotësisht e pajustifikueshme”, referuar punës që ata bënin dhe sa i përket deklarimit të të ardhurave, duke ngritur dyshimet se paratë janë përfituar nga tregtimi i drogës.

Nga hetimet e para thuhet se ky grup kishte në qarkullim shumë para dhe gjithashtu kishin dhjetëra klientë të gatshëm për t’i pastruar ato para.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet