Teatri/ Lleshaj: Policia u detyrua me forcë për të ushtruar detyrën e saj. S’do t’i merrni kurrë emrat e tyre

Politikë
Teatri/ Lleshaj: Policia u detyrua me forcë për të ushtruar

Ministri i Brendshëm Sandër Lleshaj ka folur në interpelenacën e kërkuar nga deputetët e opozitës parlamentare për çështjen e Teatrit Kombëtar dhe ngjarjet e 17 majit.

Lleshaj ka shpjeguar para deputetëve nocionin dhunë sipas ligjit për policinë dhe theksoi se policia u detyrua me forcë dhe u pengua me forcë për të ushtruar detyrën e saj.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Duke iu drejtuar deputetes Fatjona Dhimitri ai tha se nuk ka për t’i marrë kurrë vesh emrat e policëve sepse nuk është tagri i saj.

“Dhuna është forcë e ushtruar. Dhe në ligjin për policinë, në këto terma shkohet. Këto janë terma që shpjegojnë njëra-tjetrën. Dhuna është ana kinetike e forcës. Policia u detyrua me forcë dhe u pengua me forcë për të ushtruar detyrën e saj. Ashtu si nga persona me forcë u detyrua të thyente kordonin.

Policia ka mbetur tek shkalla e parë e përcaktuar nga ligji, tek shtrëngimi fizik. Në funksion ose gjatë kësaj përplasjeje janë kryer disa shoqërime, mbi 60 të shoqëruar. Gjykata e Tiranës veprimin e policisë për arrestimin e 8 personave e ka konsideruar të ligjshëm, ndonëse ju e quani barbare.

Barbaria është ajo gjendje kur njerëzit nuk e njohin ligjin. Kur të gjithë luftojnë kundër të gjithëve dhe ligji nuk ekzistojnë. Gjendja e kulturuar është kur njerëzit heqin dorë nga vetëgjyqësia dhe ua kalojnë gjykatave.

Nuk do t’i merrni kurrë emrat e punonjësve të policisë sepse nuk keni tagër për të hetuar. E vetmja që mund t’i ketë është prokuroria. Sa i përket çështjes së uniformës, policia në datën e operacionit, një për lirimin e objektit dhe një për menaxhimin e protestës, dihet nga praktika që në operacionin për menaxhimin e protestave ka qasje të tjera. Në qoftë se në operacione të tjera instruktohet për t’u pajisur me gjithçka, në menaxhimin e protestave instruktohen për qasje tjetër, që nga mospajisja me armë.

Nuk do të shihni punonjës policie që do të kenë numra identiteti sepse janë të identifikuar nga drejtuesit e tyre. Të gjitha barrën për dështimin e operacioni e ka drejtuesit i tyre dhe emrat e tyre i dini. Në qoftë se doni përgjegjësi politike keni emrin tim. Nuk keni pse të dini emrin e Nokës apo Islamit. Policia e Shtetit nuk njeh hierarki, nuk njeh askënd tjetër përveç ligjit. Atë ditë kanë qenë dy gazetarë që nuk kanë qenë në detyrë”, deklaroi Lleshaj.

ME TE LEXUARAT