“Shkatërrohet” grupi kriminal/ Arrestohen 23 persona mes tyre edhe shqiptarë

Bota
“Shkatërrohet” grupi kriminal/ Arrestohen 23 persona mes tyre

Karabinierët e Frosinone, në Itali si rezultat i zhvillimit të një operacioni për trafikun e drogës kanë vënë në pranga 23 persona.

Mediat italiane raportojnë se hetimet në lidhje me shkatërrimin e këtij grupi nisën si rezultat i disa ankesave që u bënë për një sipërmarrës vendas.

Sipërmarrësi është një ndër personat, mbi të cilin është ekzekutuar masa e ndalimit. Kështu nisën hetimet, që lejuan nxjerrjen në dritë të një grupi që merrej me trafikimin e drogës, përgjithësisht me hashash dhe marihuanë, por edhe kokainë.

Mësohet se në grupin e personave të arrestuar krahas italianeve ka edhe disa shtetas shqiptarë.

25 kilogramë lendë narkotike, ishin paketuar në doza të vogla për t’iu shitur përdoruesve të shumtë, ndërsa vlera e saj nëse dilte në treg llogaritet mbi 300 mijë euro.

Gjatë hetimit, 7 persona janë arrestuar si të dyshuar kryesorë për trafikimin e drogës, 5 të tjerë janë proceduar në gjendje të lirë dhe 10 kontraktorë janë drejtuar në autoritetin administrativ.

Gjithashtu janë konfiskuar 15 mijë euro para cash. Ende nuk dihen identitetet e shqiptarëve, por pritet të bëhën public nga Policia italiane.

ME TE LEXUARAT