Lajmi Fundit
LajmiFundit, Portal me Lajme nga Shqiperia

Arrestohet 47 vjeçari nga Kosova, në kërkim për vjedhje në Gjermani

Një 47-vjeçar ka rënë në prangat e policisë së Kukësit, pasi ishte shpallur në kërkim ndërkombëtar për veprën penale “Vjedhja në rrethana rënduese”.

Burime zyrtare bëjnë me dije se bëhet fjalë për shtetasin me inicialet H. H., banues në Smolicë të Kosovës.

47 vjeçari u kap në hyrje të pikës së kalimit kufitar të Qafë Morinës, ndërsa ishte në kërkim, pasi Gjykata Lokale “Geilenkirchen” në Gjermani i ka vendosur masën e sigurimit ‘Arrest në burg’, për veprën penale “Vjedhja në rrethana rënduese”.

Në përfundim të veprimeve hetimore, specialistët e Seksionit për Hetimin e Krimit në Komisariatin e Policisë Tropojë bënë arrestimin provizor të tij, me qëllim ekstradimin drejt Gjermanisë, mbështetur në Konventën Evropiane të Ekstradimit.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet