Pas 9 javësh, Moska lehtëson masat e izolimit

Bota
Pas 9 javësh, Moska lehtëson masat e izolimit

Autoritetet në Moskë i lehtësuan masat e izolimit kundër koronavirusit, edhe pse numri i rasteve vazhdon të rritet.

Parqet dhe qendrat tregtare në kryeqytetin rus u rihapën dhe njerëzit u lejuan të dalin jashtë për shëtitje dhe ushtrime të kufizuara, për herë të parë në nëntë javë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Presidenti rus, Vladimir Putin, tha javën e kaluar se vendi i tij e ka kaluar kulmin e shpërthimit të koronavirusit.

Megjithatë, numri i të infektuarve është ende në rritje.

Të hënën, autoritetet ruse raportuan edhe për 9,035 raste të reja me koronavirus dhe për 162 viktima.

Në total, Rusia ka mbi 414,800 të infektuar – më së shumti në botë pas Shteteve të Bashkuara dhe Brazilit – dhe 4,855 viktima.

Zyrtarët thonë se numri i ulët i viktimave është për shkak të numrave të lartë të testimeve.

Kritikët, megjithatë, frikësohen se numri i vërtetë mund të jetë shumë më i lartë.

ME TE LEXUARAT