Lajmi Fundit
LajmiFundit, Portal me Lajme nga Shqiperia

Australi, rriten sekuestrimet e drogës në burgje gjatë kufizimit nga koronavirusi

Sekuestrimet e drogës, së dërguar me postë dhe e fshehur në letra apo madje dhe në vizatimet e fëmijëve, janë rritur në burgjet australiane që kur pandemia e koronavirusit shkaktoi ndërprerjen e vizitave, njoftuan sot autoritetet.

Në Uellsin e Ri të Jugut, shteti më i populluar në vend, administrata e burgjeve ka njoftuar se kishte sekuestruar në prill 135 letra të rreme, kundër një mesatareje mujore prej vetëm 22 në 2019.

Kjo rritje erdhi pas ndërprerjes, në mes të muajit mars, të vizitave për të ndaluarit në 38 burgje shtetërore për shkak të pandemisë së koronavirusit të ri.

Në fillim të muajit maj, agjentët e burgjeve kanë gjetur drogë në një vizatim fëmijësh.

“Piktura e diellit ishte një aspekt i pazakontë, gjë që ka ngritur dyshimet e personelit”, deklaruan shërbimet e burgjeve të Uellsit të Ri të Jugut në një komunikatë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet