Aleanca për mbrojtjen e Teatrit nesër zhvillon protestë mbarëkombëtare, zbulohet ora dhe vendi ku mbahet

Aktualitet
Aleanca për mbrojtjen e Teatrit nesër zhvillon protestë

Robert Budina njoftoi para mediave protestën që do të mbahet ditën e nesërme e cila do të zhvillohet në orën 16:30 para ministrisë së Brendshme.

Budina tha se gjatë natës së kaluar është bërë tentativë pë vrasje dhe protesta bëhet kundër dhunës dhe terrorit ndërsa shtoi se kanë ndërprerë çdo lidhje me qeverinë dhe se nuk kanë ndërmend të kërkojnë leje për tubimin.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Nesër në orën 16:30 Aleanca për Mbrojtjen e Teatrit thërret në protestë gjithë popullin e Tiranës dhe gjithë Shqipërisë. Kjo protestë bëhet sepse gjatë natës së kaluar filluan shembjen e Teatrit ndërkohë që ne ishim brenda, dhe kjo mund të vijojë në çdo shtëpi tuajën. Protesta do të bëhet përballë ministrisë së Brendshme sepse ata tentuan të na vrasin.

Ne kemi ndërprerë çdo lidhje me qeverinë shqiptare, nuk kemi ndërmend të kërkojmë askujt leje. Kemi lënë gjërat që kishim me vete mbrëmë, i kërkuam drejtuesit të policisë dhe nuk na lejoi. Asnjë leje nuk do të kërkojmë. Mua më kanë kapur brenda godinës, më kanë shkelur me këmbë, na ndoqën, na sollën me dhunë meqë ishte errësirë. Një zonjë e shkelën me këmbë. Kundër kësaj tentative për vrasje ne thërrasim gjithë popullin që të mos i lejojmë më dhe të mbrojmë demokracinë”- shprehet regjizori Budina.

ME TE LEXUARAT