Dalin përgjigjet e testeve për 30 mjekë dhe infermierë të Qendrës Shëndetësore në Poliçan

Aktualitet
Dalin përgjigjet e testeve për 30 mjekë dhe infermierë

Lajm i mirë nga Poliçani,testet e stafit të Qendrës Shëndetësore të qytetit rezultuan “negativ”.

Një lajm i mirë ka mbërritur mëngjesin e sotëm nga qyteti i Poliçanit. Testimet e stafit të Qendrës Shëndetësore të këtij qyteti,të përbërë nga 30 mjek,infermierë e punonjës,kanë rezultuar “negativë”.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Pas konfirmimit të rastit të parë me coronavirus në këtë qytet ditën e hënë, një 79-vjeçari që për shkak të sëmundjeve të tjera prej një muaji merrte shërbim mjekësor në të vetmen Qendër Shëndetësore të Poliçanit,i gjithë sfati i qëndrës u karantinua.

Lajmi konfirmohet nga Drejtoria Rajonale e Epidemiologjisë dhe Shëndetit Publik në Berat. Sipas kësaj drejtorie,mjekët infeksionistë kanë bërë edhe gjurmimin e kontakteve të 79-vjeçarit të prekur me coronavirus,të cilët janë karantinuar dhe janë në vëzhgim të përditshëm nga mjekët,për të parë nëse do të shfaqin shenja të infektimit apo jo.

79-vjeçari nga Poliçani,r asti i dytë i prekur me coronavirus në qarkun e Beratit, pasi rezultoi “pozitiv” dhe në pak orë gjendja e tij shëndetësore u përkeqësua,u transferua në Spitalin Infektiv Covid në Tiranë,në gjendje të intubuar.

Ai dyshohet se u infektua nga djali i tij 30-vjeç i ardhur nga Greqia një muaj më parë, që mendohet se e ka kaluar sëmundjen pa shenja të rënda por ja ka përcjellë të atit, pasi testi i tij i dy ditëve më parë rezultoi “negativ”.

ME TE LEXUARAT