Lajmi Fundit
LajmiFundit, Portal me Lajme nga Shqiperia

SPAK shfryn çështjen “Mezhgorani”, vetëm ‘detyrim paraqitje’ për Henri Çilin dhe avokatin Korbi

TIRANË
Ndonëse bëri bujë të madhe, e madje për të folur për të doli në konferencë edhe vetë Drejtori i Përgjithshëm i Policisë së Shtetit Ardi Veliu, Prokuroria e Posaçme kundër korrupsionit dhe Krimit të Organizuar ‘shfryn’ çështjen “Mezhgorani”, një operacion pas 6 muajsh hetime që çoi në pranga edhe botuesin Henri Çili.

Sot Gjykata e Posaçme rivlerësoi masat për Henri Çilin dhe të dyshuarit e tjerë të dosjes.

Me kërkesë të prokurorëve të SPAK Altin Dumani dhe Elisabeta Millonai gjyqtarja Irena Manoku vendosi masën “detyrim paraqitje”.

Për avokatin Ilir Korbi prokurorët kërkuan “arrest shtëpie”, por gjykata vendosi edhe për të “detyrim paraqitje”.

Kujtojmë se prokuroria e Apelit dje në Gjirokastër kërkoi burg dhe gjykata e Apelit dha detyrim paraqitje. Për shkak të situatës janë zbutur dhe disa masa të tjera sigurie.

Operacioni që çoi në pranga Çilin dhe 27 persona të tjerë u zhvillua më 28 shkurt pas një hetimi 6 mujor, në kuadër të një procedimi penal të nisur në vitin 2019 për falsifikim të kartëmonedhave.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet