Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Mbi 30 familje nën pushtetin e ujit në Elbasan, ujërat e zeza dalin në sipërfaqe

Shirat intensive të 24 orëve të fundit kanë shkaktuar jo pak probleme në Elbasan. Tre zona janë zgjuar nën pushtetin e ujit, “lagjia 5 maji”, ajo Hajdaran në Njësinë administrative Shushicë dhe lagjia Kantjer në njësinë adminsitrative Bradashesh.

Më problematike situata u paraqit në këtë të fundit, ku sipasojë e mungesës së kanalizimeve të ujërave të bardha dhe të zeza ato u bënë bashkë, duke vënë në vështirësi mbi 30-të familje.

Veçanërisht në katet e para uji depëretoi në banesa, ndërsa banorët kërkuan ndihmën e zjarfikëses për tërheqjen e ujit. Të irrituar për situatën që kalojnë prej 20-të vitesh sa herë bie shi , banorët thonë se pavarësisht se kanë kërkuar ndihmë, madje kanë bërë dhe peticione askush nuk i ka ndihmuar.

Veç frikës së përmbytjes ata i druhen edhe përhapjes së ndonjë epidemie, pasi ujërat e zeza notojnë në sipërfaqe.

Si pasojë e motit të keq në Elbasan ka pasur probleme me energjinë elektrikë në dy njësi Klos dhe Mollas në bashkinë Cërrik.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet