Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Shkatërrohet banda e trafikut të drogës në Spanjë, 14 te arrestuar, mes tyre nje shqiptar

Policia spanjolle ka arrestuar 14 persona të kombësive të ndryshme nën akuzën e trafikut ndërkombëtar të marijuanës. Organizata kriminale e trafikut të drogës operonte në disa vende europiane.

Mes të prangosurve ka edhe shtetas shqiptarë. Operacioni nisi marsin e vitit të kaluar kur një grup i përbërë nga shtetas me origjinë shqiptare po hetohej për zotërimin e një plantacioni të brendshëm marijuane në qytetin verilindor spanjoll të Reusit. Lënda narkotike transportohej më pas për në Francë, Holandë, Gjermani, Itali, shtete ku edhe çmimi është më i lartë.

Transporti kryhej nga Barcelona, me ndihmën e kamionëve të regjistruar që dërgonin 2-3 herë në muaj ngarkesa deri 200 kg substanca narkotike. Gjatë operacionit të fundit, policia spanjolle bastisi gjashtë godina të të dyshuarve ku edhe gjeti një total prej 200 kg bimë narkotike të paketuara.

Janë sekuestruar po ashtu 10 mijë euro të gatshme. Të arrestuarit do të gjykohen për akuzat krime kundër shëndetit publik, pjesëmarrje në organizatë kriminale dhe vjedhje e energjisë elektrike.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet