Lajmi Fundit
Lajmi i Fundit, Lajme, Gazeta, Shqip, Online, live 24

Gara për kreun e FBI-së shqiptare, përzgjidhen katër nga tetë kandidatët e BKH

TIRANE- Gara për kreun e Byros Kombëtare të Hetimit ka kaluar në një fazë tjetër. Tashmë janë përzgjedhur 4 kandidatë që do të kenë mundësinë që të garojnë për të marrë kryesimin e BKH.

Ata janë Aida Veizaj, Artur Beu, Ervin Hodaj dhe Idajet Faskaj. Ndërkohë Ardian Çipa, Gentjan Shehaj, Lindita Nushi dhe Ylli Pjetërnikaj, nuk mundën të kalojnë të gjitha testet për të vijuar garën për në BKH.

Kujtojmë se nga 4 kandidatët e mbetur tashëm në garë për të marrë kryesimin e Byros Kombëtare të Hetimit e vetmja që ka kaluar vettingun është Aida Hajnaj, numri dy i Policisë së Shtetit

Kandidatët për kreun e BKH më parë i janë nënshtruar testeve fizike, makinës së vërtetës (poligarfisë) dhe testeve me shkrim. Këto teste i kanë kryer të 8 kandidatët por sot janë përzgjedhur vetëm 4 prej tyre.

Tashmë në ditët në vijim pritet që komisioni nga SPAK të përzgjedh vetëm një emër fitues dhe më pas t’ia propozoj atë Këshillit të Lartë të Prokurorisë që ka si detyrë përzgjedhjen e drejtuesit të Byrosë Kombëtare të Hetimit me votim.

Kujtojmë se në këtë garë fillimisht morën pjesë 40 kandidatë ndërkohë në dy fazat testuese arritën që të kualifikohen vetëm 8 aplikantë.

Në Komisioni i SPAK që pritet të përzgjedh kreun e BKH, bëjnë pjesë kreu i Prokurorisë së Posaçme kundër Krimit të Organizuar dhe Korrupsionit, Arben Kraja dhe dy prokurorët Behar Dibra si dhe Eneid Nakuçi.

BKH do të jetë struktura mbështetëse hetimore për SPAK. Në përbërje të saj do të jenë edhe 60 hetues të cilët pas përzgjedhjes do të trajnohen në Shtetet e Bashkuara të Amerikës. Ndryshe BKH është cilësuar edhe si FBI-ja shqiptare.

Njoftim për media në lidhje me përzgjedhjen e drejtorit te BKH-së:

Komisioni i Përzgjedhjes për Drejtorin e BKH-së, në datat 26 dhe 27 shkurt 2020, zhvilloi intervistat e strukturuara me 8 (tetë) kandidatët e përzgjedhur deri në ketë fazë, në praninë e Komisionit të Pavarur të Rishikimit (Komision me përfaqësues nga misionet e BE-së dhe Qeverisë së SHBA-ve). Çdo kandidat u intervistua duke përdorur të njëjtën metodë intervistimi, të miratuar më parë nga Komisioni i Përzgjedhjes. Rezultatet e vlerësimit të intervistave iu shtuan rezultateve të mëparshme të kandidatëve.

Në përfundim, Komisioni i Përzgjedhjes përzgjodhi 4 (katër) kandidatët më të mirë deri në këtë moment, të cilët do t’i nënshtrohen fazës përfundimtare të verifikimit. Kandidatët e përzgjedhur janë si më poshtë:

1. Aida Veizaj
2. Artur Beu
3. Ervin Hodaj
4. Idajet Faskaj

Arben Kraja
Drejtues i Prokurorisë së Posaçme

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Kliko per me shume info

Leave A Reply

Your email address will not be published.