Lajmi Fundit
Lajmi i Fundit, Lajme Shqip, Gazeta Online, balkan, lajme live 24

Dicka po ndodh ne Kosove, Albin Kurti njofton deklarate te papriur per median

Zyra e Kryeministrit të Kosovës ka paralajmëruar se kryeministri Kurti do të mbajë konferencë për media sonte në ora 18:30.

Sot është raportuar se anulimi i mbledhjes së rregullt të qeverisë ka ndodhur për shkak se ka pasur mospajtime mes krerëve të koalicionit rreth taksës 100 për qind ndaj Serbisë.

Sot është thënë se Lidhja Demokratike e Kosovës ka kërkuar në mënyrë eksplicite të largohet taksa – kërkesë kjo edhe e Bashkimit Evropian dhe Shteteve të Bashkuara të Amerikës.

Në anën tjetër, kjo kërkesë është konfirmuar edhe nga zëvendëskryeministri i Kosovës, Avdullah Hoti.

Ai nëpërmjet një postimi në Facebookun e tij ka shkruar se taksa mbi mallrat serbe është pengesë për komunitetin ndërkombëtar, SHBA-të dhe BE-në.

Sipas Hotit, çdo shtyerje për heqjen e taksës e dëmton seriozisht pozicionin e Kosovës në dialog.

Një qëndrim i tillë është konfirmim i mospajtimeve mes VV-së dhe LDK-së për taksën, pasi që kryeministri Kurti nuk po e sheh si diçka urgjente.

Mbetet të shihet nëse konferenca e thirrur nga Kurti do të ketë të bëjë me këto zhvillime të sotme.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave A Reply

Your email address will not be published.