Lajmi Fundit
Lajmi i Fundit, Lajme Shqip, Gazeta Online, balkan, lajme live 24

Autori i masakres ne Gjermani/ Pershkruhet si racist dhe paranojak

“ Më ndjekin, nuk fejohem dot”, paranojak, racist, supremacist. Kështu po përshkruhet në shtypin e huaj autori i masakrës që tronditi Gjermaninë.

Tobias Rathjen kishte një faqe në internet, ku postonte idetë e tij ekstremiste e garantonte se po të kishte ekzistuar një buton për zhdukjen e “ disa afrikanëve, aziatikëve e të ardhurve nga Lindja e Mesme”, do ta shtypte pa asnjë hezitim. Në “ manifestin” e tij prej 24 faqesh, 43 vjecari nuk i rrëfente në mënyrë të hapur qëllimet e tij vrastare, por dëshmonte qartë dufin kundër të huajve, duke theksuar se një “spastrim final”, ishte i domosdoshëm.

Makthet e tij nuk buronin vetëm nga të ardhurit” agresori mendonte se kishte spiunë rreth tij që e përgjonin, e përpiqeshin t`i kontrollonin mendimet, e po online, ankohej se nuk kishte dot një bashkëshorte apo një të fejuar, e kjo për shkak se mendonte që rrethohej gjatë gjithë kohës nga armiq.

Kancelarja Angela Merkel e pohoi një ditë më parë se kishte gjurmë të shumta që dëshmonin se sulmuesi që vrau nëntë persona e më pas edhe të ëmën dhe veten, ishte motivuar nga racizmi dhe ekstremizmi i krahut të djathtë, ndërsa theksoi se autoritetet do të bëjnë gjithë çfarë është e mundur për të zbardhur të plotë ngjarjen.

Ai hapi zjarr mbrëmjen e së mërkurës në dy bare të qytetit ku shërbehet me nargjile. Në kujtim të viktimave, mijëra vetë dolën rrugët e në Hanaut dhe Berlinit me në duar qirinj dhe trëndafila të bardhë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!
Kliko per me shume info

Leave A Reply

Your email address will not be published.