Lajmi Fundit
LajmiFundit, Portal me Lajme nga Shqiperia

Serbia zbardh shifren e ‘frikshme’: Ja sa miliona euro kemi humbur nga taksa e Kosoves

Serbia ka humbur rreth 461 milionë euro në vlerë të mallrave vetëm në 14 muaj, nga vendosja e taksës nga Kosova.

 

Ministri i Tregtisë së Serbisë, Rasim Ljajiç ka deklaruar se dëmet për Serbinë, nga vendosja e taksës nga Kosova, 14 muaj më parë, kanë arritur shifrën prej 461 milionë euro duke shtuar se në Kosovë në bazë ditore hyjnë mallra me 1 milion euro më pak vlerë.

 

Ljajiç për “RTS” ka thënë se pasojat se vendosjen e taksës ndaj mallrave serbe e kanë shfrytëzuar shtete të tjera të rajonit që në Kosovë kanë plasuar mallin e tyre duke e shtuar prodhimin, transmeton lajmi.

Ai ka theksuar se do të jetë e vështirë nëse Prishtina heq taksën dhe vazhdon me disa masa të tjera, të ashtuquajtura si reciprocitet dhe që në fatura të shkruhet Republika e Kosovës sepse sipas tij do të ketë prodhues që nuk do të pranojnë ta nënshkruajnë si të tillë mallin e tyre dhe “vështirë se pikat tona kufitare do të lejojnë daljen e një malli të tillë nga Serbia”.

 

Ljajiç ka thënë se Serbia është e gatshme për heqjen e të gjitha barrierave dhe kërkon tregti të lirë duke lavdëruar marrëveshjet për trafikun hekurudhor dhe ajror por insistoi se rreth heqjes së taksës nuk është duke u shënuar përparim.

Pergjigju

Adresa juaj e-mail nuk publikohet