Çfarë ndodhi në lokalin ku u filmua Reni para zhdukjes në Shijak, zbulohet foto

Aktualitet
Çfarë ndodhi në lokalin ku u filmua Reni para zhdukjes në

Publikohet një fotografi e Renato Hamzes brenda një lotoje sportive në qytetin e Shijakut në vitin 2013. Nëna e tij, Silvana Hamza, konfirmoi se personi në foto është djali i saj, Reni i Elbasanit. Por përse është e rëndësishme kjo foto dhe çfarë e lidh me zhdukjen e Renit? Në këtë lokal në të njëjtën natë, në ambientet e jashtme ndodhi një vrasje.

Mbrëmjen e 26 Gushtit të vitit 2013, u vra në një atentat Elvin Kërtalli 37 vjeç dhe mbeti i plagosur shoku i tij Dorjan Beqiri.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ngjarja ndodhi në qendër të qytetit të Shijakut pak para mesnatës. Elvin Kërtalli dhe Dorjan Beqiri u qëlluan me breshëri arme sapo dolën nga ambientet e brendshme të një loto sportive. 37-vjeçari Kërtalli ndërroi jetë gjatë transportimit për në spital, ndërsa shoku i tij mbeti i plagosur rëndë.

Autorët të paidentifikuar hapën zjarr nga dritaret e një makine në lëvizje, dhe më pas u larguan me shpejtësi.

Mesa duket, atentatorët kishin marrë informacion të saktë për vendndodhjen e objektivit të tyre. Ata qëndronin brenda një makine të parkuar në distancë duke pritur momentin e duhur për të sulmuar. Kur Elvin Kërtalli dhe Dorjan Beqiri dolën nga lokali, vrasësit qëlluan me breshëri në drejtim të tyre.

Kjo ngjarje, që ende mbetet e pazbardhur nga policia, është pasuar me disa atentate të tjera në Durrës, Tiranë dhe Holandë. /klanplus

ME TE LEXUARAT