Lajmi Fundit
Lajmi i Fundit, Lajme Shqip, Gazeta Online, balkan, lajme live 24

Ambasadori shqiptar: Martiret kineze ne lufte kunder virusit jane edhe deshmoret tane

Selim Belortaja, Ambasadori i Shqipërisë në Kinë, ka përcjellë një mesazh prekës me fotografi, nga beteja që Kina po bën kundër koronavirusit, nga sakrifica e të gjithë atyre që janë përfshirë në këtë luftë me epideminë që rrezikon gjithë botën dhe nënvizon se “martirët kinezë në vijën e parë të luftës koronavirusit janë edhe dëshmorët tanë”.

Mesazhi i plotë Ambasadorit Belortaja:

Nuk ka tashmë asnjë dallim mes ushtarakut, që niset në front dhe mjekut, ndihmësve, infermierëve e transportuesve të të infektuarve që bien në kontakt me raste të konfirmuara a të dyshuara të prekjes nga koronavirusi.

Dje, autoritetet kineze shpallën, se ashtu si të rënët në betejë, edhe personeli shëndetësor që ka humbur e humb jetën ne betejën epidemike merr statusin e “dëshmorit të atdheut” (martyr).

Ky status do të përfshijë edhe persona të tjerë, që kanë sakrifikuar jetën – sipas disa kritereve.

Sado që duket një masë e brendshme, ky është një tjetër tregues i angazhimit suprem të Kinës për të luftuar virusin dhe bllokuar përhapjen e tij.

Siç thekson OBSH, kërcënimi është global. Në këtë kuptim, martirët kinezë në vijën e parë të luftës kundër CoV janë edhe …dëshmorët tanë! Nderim të përjetshëm sakrificës së tyre!

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!
Kliko per me shume info

Leave A Reply

Your email address will not be published.