Lajmi Fundit
Lajmi i Fundit, Lajme Shqip, Gazeta, Informacione nga Shqiperia

Trump i ofron ndihmë Kinës, ja cfarë i bashkon të gjithë të vdekurit nga koronavirusi

Presidenti i Shteteve të Bashkuara, Donald Trump, i ofroi Kinës ndihmë në përpjekjet e saj për të kontrolluar shpërthimin e një koronavirusi, i cili shkaktoi vdekjen e së paku 81 personave.

“Kemi komunikime shumë të afërta me Kinën, në lidhje me virusin”, shkroi Trump në Tëitter.

“Shumë pak raste janë raportuar në SHBA, por janë rreptësisht nën vëzhgim. I kemi ofruar Kinës dhe presidentit Xi (Jinping) çdo ndihmë që është e nevojshme. Ekspertët tanë janë të jashtëzakonshëm”, tha Trump.

Në qendër të shpërthimit të virusit është qyteti Vuhan i Kinës, me një popullsi prej 11 milionë banorësh.

Të hënën, autoritetet lokale raportuan për vdekjen e parë nga virusi në Pekin.

Viktima është një person 50 vjeç, i cili ka qenë në Vuhan, raportuan mediat lokale.

Sipas zyrtarëve, shumica e viktimave janë pacientë të moshës 50 vjeç ose më të vjetër.

Ekspertët shëndetësorë thonë se virusi përhapet nga kafshët te njerëzit, por nuk është përjashtuar as mundësia e transmetimit midis njerëzve.

Raste me këtë lloj virusi u shënuan edhe jashtë Kinës, përfshirë: Shtetet e Bashkuara, Singaporin, Nepalin, Tajlandën, Korenë e Jugut etj.

Ai mund të shkaktojë sëmundje nga ftohja e zakonshme deri te Sars-i.

Sars – sindromë e rëndë akute e frymëmarrjes – ka shkaktuar vdekjen e mbi 700 njerëzve në botë gjatë shpërthimit të tij më 2002-3.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave A Reply

Your email address will not be published.