Lajmi Fundit
Lajmi Fundit, Lajme Shqip, Gazeta, Informacione nga Shqiperia

I vodhi orët dhe bizhuterite mbretit, pastruesi dënohet me 15 vjet burg

Një punonjëse e pastrimit, e cila vodhi dhe shkriu me dhjetëra orë luksoze që i përkisnin mbretit të Marokut, Mohammed VI u dënua nga një gjykatë në Rabat me 15 vjet burg.

46-vjeçarja u vu pas hekurave së bashku me 14 persona të tjerë, përfshirë tregtarë ari të cilëve ajo iu shiste orët dhe që u dënua të paktën me nga 4 vite heqje lirie.

Një prej tyre, i dyshuar si bashkëpunëtori kryesor i gruas, u dënua gjithashtu me 15 vjet burg.

Pastruesja u akuzua për vjedhjen e 36 orëve luksoze, të cilat i shkrinte fillimisht dhe më pas ua çonte tregtarëve të arit dhe pjesë të tjera orëndreqësve.

Gjatë gjyqit, 14 burrat u akuzuan dhe për “grup kriminal”, akuzë të cilën e mohuan para gjykatësit duke thënë se nuk e kishin idenë se nga vinin sendet e vjedhura.

Mbreti Mohamed njihet për pasionin e tij për të koleksionuar orë luksoze, makina të shtrenjta, piktura dhe jahte.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave A Reply

Your email address will not be published.