Lajmi Fundit
LajmiFundit, Portal me Lajme nga Shqiperia

Vetëvritet një person para ndërtesës së Kuvendit

Një person ka kryer vetëvrasje me armë zjarri para ndërtesës së parlamentit të Serbisë në Beograd.

Ministria e Brendshme tha se më 23 janar një person, në të 50-at, e ka qëlluar veten me armë zjarri në gojë dhe ka vdekur në vend të ngjarjes, raporton REL.

MPB-ja dhe as autoritetet e tjera atje nuk kanë dhënë detaje të tjera për këtë rast.

Burri vrau veten në shkallët që çojnë në hyrjen e ndërtesës së parlamentit.

Kjo është vetëvrasja e dytë në po atë vend që nga 2002-a, kur ish-ministri i Brendshëm, Vlajko Stojiljkoviq, qëlloi veten për vdekje pak pasi ligjvënësit kaluan një ligj që lejonte ekstradimin e të dyshuarve nga tribunali i Hagë për krime lufte.

Ai vdiq dy ditë më pas. Stojiljkoviq ishte akuzuar për krime të kryera gjatë luftës në Kosovë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet