Kavaje: Vijojne hetimet per flaket qe shkrumbuan fabriken e dyshekeve

Aktualitet

Forcat zjarrfikëse punuan deri në orët e para të mëngjesit për të vënë plotësisht nën kontroll flakët e përmasave të mëdha në fabrikën e prodhimit të dyshekëve në Kavajë, të përfshirë nga zjarri që prej orës 19 të pasdites së të enjtes, 16 janar.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Operacioni ishte i vështirë për shkak të aktivizimit të rreth 20 mijë litrave lëndë djegesë që sipas burimeve ndodheshin brenda fabrikës të cilat herë pas herë krijonin shpërthime.

Fatmirësisht veç dëmeve të mëdha materiale nuk pati persona të lënduar, por rrezikohej që flakët të përhapeshin në zonën e banuar pranë fabrikës.

Banorët aty pranë u detyruan të braktisin banesat për disa orë derisa situata u vu plotësisht nën kontroll dhe rreziku u shmang.

“Ishte e tmerrshme” tha një banor.

Fabrika është në pronësi të Gjergji Kralit, babait të kryetarit të bashkisë, Redjan Krali.

Dëshmitë e para ishin për ngjarje aksidentale, por për shkak se kjo është hera e tretë që e njejta fabrikë përfshihet nga flakët, grupi hetimor nuk i përjashton as pistat e tjera.

Grupi i posacëm hetimor i ngritur për rastin, thotë se ende po punon për verifikimin e shkakut të zjarrit

ME TE LEXUARAT