Ende pa qeveri/ Kryeparlamentari Konjufca thërret mbledhjen e pare te Kryesise se Kuvendit
Kryetari i Kuvendit të Kosovës, Glauk Konjufca ka thirrur mbledhjen e parë të Kryesisë së Kuvendit të Kosovës më 20 janar, në orën 11:00.
Në një njoftim për media është bërë e ditur se të hënën në rend dite janë tri pika:
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
-Shqyrtimi i kërkesës për caktimin e delegacionit të Kuvendit të Republikës së Kosovës për përfaqësim në Asamblenë Parlamentare të Procesit të Bashkëpunimit të Evropës Juglindore-SEECP,
-Shqyrtimi i kërkesës për caktimin e delegacionit të Kuvendit të Republikës së Kosovës për përfaqësim në Asamblenë Parlamentare të Këshillit të Evropës, dhe
-Shqyrtimi i propozimeve dhe i kërkesave.
Mbajtja e kësaj mbledhjeje është planifikuar ndonëse Kosova vazhdon të mos ketë qeveri, raporton Rel.
Më 6 tetor të vitit të kaluar, janë mbajtur zgjedhjet e parakohshme parlamentare dhe fituese ka dalë, Lëvizja Vetëvendosje e pasuar nga Lidhja Demokratike e Kosovës.
Deri më tani, liderët e të dy partive, Albin Kurti i Lëvizjes Vetëvendosje dhe Isa Mustafa i Lidhjes Demokratike të Kosovës, janë takuar 8 herë me synimin për të përmbyllur një marrëveshje për koalicion, mirëpo të gjitha takimet kanë rezultuar të pasuksesshme.?