Lajmi Fundit
LajmiFundit, Portal me Lajme nga Shqiperia

Basha i shpëton drejtësisë, reagon PS: Prokurorë dhe gjykatës “kap çfar të kapësh”

Vendimi i Gjykatës së Tiranës e cila mbylli dosjen ndaj Lulzim Bashës nuk eshte pritur mire nga mazhoranca. Numri dy i Partisë Socialiste Taulant Balla thotë se kjo dosje nuk mund të mbyllet dhe kërkon hetim KLGJ dhe KLP duke folur për gjykatës dhe prokurorë të KÇK

Ja reagimi i plotë:
Kush mendon se kjo dosje e rëndë me të pandehur kryesor Lulzim Bashën, mund të mbyllet kështu pa u hetuar aspak në themel, pa u marrë në pyetje të gjithë personat e përfshirë, e ka shumë gabim.
Kjo nuk është një çështje vetëm e drejtësisë shqiptare.

Nxitimi i stimuluar i ndonjë prokurori dhe gjyqtari që nuk e ka kaluar procesin e vettingut dhe që zbaton parimin “kap çfar të kapësh”, shfaqën sot këtë teatër të turpshëm për sytë e shqiptarëve dhe jo vetëm.

Këshilli i Lartë i Gjyqësorit dhe Këshilli i Lartë i Prokurorisë duhet të hetojnë gabimet procedurale me dashje, që çuan në këtë teatër të turpshëm, ku prokuroria hetoi 2 vite dhe gjykata e mbylli për 2 orë.

Apelimi i këtij vendimi absurd dhe rikthimi i çështjes për hetim të plotë duke dhënë edhe garancitë nga Gjykata për marrjen në pyetje të përfituesit të parave Nik Muzin, janë hapat e vetëm për të hedhur dritë e për të bërë drejtësi në këtë dosje të rëndë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet