Basha nga Shkodra: Bandat e Ramës goditën Ndojin pasi preku interesat e tyre në Gjirin e Lalëzit

Politikë

Kryetari i Partisë Demokratike, Lulzim Basha po zhvillon ditën e sotme një takim me të rinjtë në qytetin e Shkodrës.

Gjatë fjalës së tij Basha u shpreh se qeveria e Edi Ramës ka lidhje me krimin, pasi Rama nuk bën dot pa kriminelët.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Në lidhje me atentatin ndaj prokurorit të Durrësit Arian Ndoja, Basha tha se bandat në qeveri e goditën atë me kallash, sapo Ndoji preku interesat e tyre në Gjirin e Lalëzit.

“A e patë se çfarë bëri Rama në Shkodër, vuri një person që e kapte dekriminalizimi. Ashtu veproi edhe në Vorë me Agim Kajmakun, edhe në Vaun e Dedës me Mark Babanin. Shqiptarët shkëlqejnë kudo, ndërsa këta zgjedhin kriminelët në krye. Po ashtu, ndodhi edhe me një prokuror, të cilin edhe ne e kemi denoncuar për lidhje me krimin, që kur preku interesat e tyre, i treguan kallashin. Beteja bëhet për tokat në Gjirin e Lalëzit, ku bandat qeveritare luftojnë me kallash e nuk lejojnë askënd t’i prekë në interesa”, tha Basha.

ME TE LEXUARAT