Nisma e PS per me shume gra ne poste drejtuese, PD: Propagande e Edi Rames

Politikë

TIRANË- Nismën e nisur nga PS-ja për të pasur më shumë gra në poste drejtuese, PD-ja e quan propagandë. Ish-deputetja, Izmira Ulqinaku ka listuar një sërë arsyesh sipas së cilës e vërtetojnë se përse kjo nismë është një mashtrim i radhës i kreut të qeverisë, teksa e ka etiketuar këtë të fundit si " kryedhunuesi". Ulqinaku ka kaluar në akuza të rënda për kryeministrin i dhunues i nënës së tij, përdorues i lëndëve narkotike dhe se largimi i tij është e vetmja formë për t'u integruar në BashkiminEuropian.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

"Edi Rama kryedhunuesi i grave kërkon të mashtrojë shqiptarët nëpërmjet takimeve propogandistike! Edi Rama është përbindëshi që ka përbuzur e dhunuar nënën! Eshtë ai që ka dhunuar e keqtrajtuar bashkëshortet me të cilat ka jetuar! Eshte ai që fshihet pas fustanit të grave ministre e deputete sa herë gjendet në vështirësi.

Eshtë ai që gratë, i përdor e i hedh sa herë nuk i duhen. Eshtë Edi Rama ai i cili me politikat e tij nuk mbështeti asnjë grua kryefamiljare nëpërmjet punësimit, apo asistencave të veçanta. Ai i hoqi edhe të ardhurat minimale nga Ndihma Ekonomike. 30% e nënave shqiptare nuk arrijnë të sigurojnë ushqim të mjaftueshem për fëmijët e tyre. Përmes koncesioneve korruptive, Edi Rama vjedh fondet, të cilat duhet të shkojnë për shendetin e grave e vajzave. I dominuar nga efektet e lëndëve narkotike dhe i etur për propogandë, stis e mashtron në sy të të gjithë shqiptarëve.

Shqiptarët tashmë i dijnë bëmat e gjëmat e tij në lidhje me gratë dhe jo vetëm. Ndaj hipokrizia, fallciteti, mashtrimi e propoganda e tij janë të pavlera. Eshtë koha ta refuzojmë! Eshtë koha ta largojmë!Ky ka marrë peng fatin e grave dhe nënave shqiptare! Ky i cmendur ka marrë peng fatin e vendit! Shqipëria ka një ëndërr, e ajo është integrimi ne BE. Me këtë monstër nuk kemi të ardhme! Ta shporrim qe t'i hapim rrugën shqiptarëve për Europë. Ta shporrim që të ndërtojmë të ardhmen tonë europiane", u shpreh Ulqinaku.

ME TE LEXUARAT