Përdhunon mbesën dhe shpërndan videon ndër shokë, i vihen prangat në doganën e Jarinjës

Aktualitet

Gjykata Themelore në Prishtinë e ka shtyrë edhe me dy muaj të tjerë, paraburgimin për N. D, i cili dyshohet se ka dhunuar mbesën e tij , vajzën e motrës.

Vendimi u dha më javën që shkoi. Në muajin korrik, mbesa e tij, L.M kishte raportuar në polici se daja i saj e kishte marr me forcë teksa po kalonte afër shkollës “Mihajl Grameno” në Fushë Kosovë dhe e kishte dërguar në një motel ku e kishte detyruar të kryente marrëdhënie seksuale.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Gjatë aktit seksual, dhunuesi e kishte incizuar vajzën e motrës pa vullnetin e saj dhe e kishte shpërndarë xhirimin përmes rrjeteve sociale te disa persona.

Ngjarja kishte ndodhur më 27 qershor në një motel në lagjen “Veterniku” të Prishtinës. I pandehuri N.D së bashku me familjen e tij gjendet me vendbanim të përhershëm në Gjermani.

Më 26 korrik ai ishte arrestuar në pikën kufitare në Jarinje teksa po hynte në Kosovë për t’i kaluar pushimet verore. Atij fillimisht i ishte caktuar masa e paraburgimit në kohëzgjatje prej një muaji, nën dyshimet për veprat penale “Dhunim” dhe “Fotografimi dhe incizimet tjera të paautorizuara”, raporton Gazeta Sinjali.

Sipas Kodit Penal të Republikës së Kosovës, vepra penale “Dhunim” dënohet me burgim prej dy (2) deri në dhjetë (10) vjet. Ndërsa vepra penale “Fotografimi dhe incizimet tjera të paautorizuara”, dënohet me gjobë ose me burgim prej një (1) deri në tre (3) vjet.

ME TE LEXUARAT