“Hajduti i makinave të Siçilisë”, Bardhi reagon për Mark Babanin: Në cilin hotel ke bujtur?…

Politikë

Sekretari i PD Gazmend Bardhi me anë të një statusi në “Facebook” ka reaguar pasi kreu i Vaut të Dejës Mark Babani ka hedhur poshtë pretendimet e PD se ai është arrestuar në Itali për vjedhje makinash.

Bardhi thotë se Mark Babani bën mirë që ka pajtuar avokatë, sepse do i duhen për ta nxjerrë nga burgu për faktin se ka fshehur arrestimin. Ai i bën edhe një pyetje Babanit, duke i thënë se ku ka qenë më datë 24 janar 1996.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Gazmend Bardhi këmbëngul se Mark Babani është hajduti i makinave në Siçili, që sot është kryetar i Vaut të Dejës.

Postimi i Gazmend Bardhit:

Marq Babaj bën shumë mirë që paska avokatë, se do t’i duhen për të negociuar vitet e burgut për fshehje të faktit që është arrestuar për vjedhje makinash në Siçili më në 4 Prill 1994.

Derisa të bëjë gati padinë ndaj meje, të përgjigjet edhe për një fakt tjetër nga jeta e tij nëpër “hotelet” e Italisë. Në datën 24 Janar 1996 në cilin hotel ke bujtur?

Nëse për këtë Marq Babaj nuk e ka kujtesën shumë të fortë, do t’ia rifreskojmë në vazhdim.

Mirë është që hajduti i makinave të Siçilisë të mos ia qajë hallin Edi Ramës, se atij i duhet avokat për vete.

p.s: Kur Marq Babaj të më padisë, të më njoftojë me cilin nga 4-5-6-7 emrat që ka përdorur Mark Babani i Edi Ramës për t’iu fshehur drejtësisë italiane, duhet ta kërkoj në sistemin e gjykatës.

ME TE LEXUARAT