Ish-ministri: Pse Saimir Tahiri nuk do dënohet nga gjykata

Kliko per me shume info

Ish-ministri i Drejtësisë, Ylli Manjani deklaron se Saimir Tahiri nuk ka shanse të dënohet, pasi në në gjykatë, sipas tij, duhen prova, jo llafe. Në një shënin në Facebook, Manjani shkrunaan se “e vetmja gjë që kam kuptuar nga aq sa shkruhet në media është hobi i Sajmirit për lundrimin në det me mjetin e tij dhe, Habilajt janë kushërinjtë e tij”.

Ndërkohë Prokuroria për Krime të Rënda ka kërkuar dje dënimin me 12 vite burg për ish-ministrin e Brendshëm, Saimir Tahiri.

Kliko per me shume info

“Sa më shumë dëgjoj e lexoj në media për çështjen Tahiri, aq më shumë bindem se është një dosje e varfër në prova por e pasur në lajme. Puna është se në gjykatë duhen prova dhe jo llafe. Mungesa e provave nga njëra anë dhe ngritja e super akuzave nga ana tjetër, teknikisht (nuk e di nëse është dhe taktikisht) shton shanset për pafajsi. Herët a vonë akuzat pa prova bien.

Dmth e vetmja gjë që kam kuptuar nga aq sa shkruhet në media është hobby i Sajmirit për lundrimin në det me mjetin e tij dhe, Habilajt janë kushërinjtë e tij. Të dyja këto elementë Sajmiri u kujdes ti fshihte para publikut por jo para hetimit. Por ja tani që u zbuluan si lidhet kjo me akuzën e trafikut ndërkombëtar të drogës?!!!

Po me shpërdorimin e detyrës?! Si është e mundur që nuk qenka hetuar çështja e fikjes së radarëve? Po emaili i policit për prokurorin?!

Pra ka shumë boshllëqe të mëdha hetimi. E kuptoj fort mirë dëshirën e disave që Sajmiri të dënohet, por ky është emocion, shkumë, dëshirë apo qoftë dhe politikë. E kuptoj gjithashtu se sjellja politike e vetë Sajmirit ka prodhuar jo pak viktima, që sot kanë të gjithë të drejtë të kërkojnë shpagim.

Por Sajmiri nuk po gjykohet për produktin e punës së tij si ministër. Gjykimin politik njerëzit e bëjnë me votë, jo me gjykatë.

Në shoqërinë me shtet ligjor duhen prova. Kjo vlen si për Sajmirin ashtu edhe për armiqtë e tij. Gjykimet e dënimet e nxitura nga emocione turmash, deklarime politike apo edhe diplomatike janë të papranueshme! Duhet të instistojmë gjer në dhimbje që drejtësia të funksionojë ftohtë, e pa ndikuar nga këto emocione dhe pa urdhëra. Ky është i vetmi standart.

Kjo llogjikë duhet pranuar pa kushte, në radhë të parë ndaj atij që nuk e ke qejf. Përndryshe, rritja e presionit për gjykime në emër të turmës, apo teorisë së të bërit shembull por pa prova, është shumë shumë e rrezikshme.

Me këtë variant i gjithë populli është “i pandehur”. Të gjithë mund të dënohen për inat apo qejf të dikujt tjetër. Por kjo nuk është më shoqëri demokratike!!! Sa më takon nuk e kam pranuar e refuzoj ta pranoj këtë sjellje tërësisht anti shtet, anti-drejtësi e anti- demokraci”- shkruan Manjani.

loading...

LEAVE A REPLY

Please enter your comment!
Please enter your name here