“Edi Rama është artist i mashtrimit”, Basha nxjerr videon kundër kryeministrit

Aktualitet

“Shqiptarët janë sot të varfër sepse janë të vjedhur”. Kështu e nis akuzen e radhes ndaj kryeministrit Lulzim Basha, i cili ka publikuar një video-mesazh kundër kryeministrit Edi Rama.

Kreu i opozites thekson se “varfëria, papunësia, mungesa e mundësive vijnë nga grabitja që po i bëhet Shqipërisë nga Edi Rama me një grusht klientësh.”

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Paratë tuaja, paratë e shqiptarëve po i vjedh Edi Rama me familjen dhe miqtë e tij. Pasurohen të pushtetshmit dhe të pasurit, varfërohen njerëzit e thjeshtë dhe të pambrojtur. Miliarda euro janë vjedhur, abuzuar dhe shpërdoruar nga Edi Rama këto 6 vjet, të gjitha kanë përfunduar në xhepat e tij ose janë shpërdoruar për tekat e tij në fasada dhe lluks, ndërsa shqiptarët nuk sigurojnë dot bukën e përditshme. Shqiptarët janë pa punë, sepse ekonominë dhe mundësitë ekonomike i kanë marrë oligarkët dhe klientët e Edi Ramës”, thotë Basha.

Kreu i PD-së thekson se “Edi Rama është artist i mashtrimit.”

“Çdo gjë që ka premtuar, çdo gjë që ka thënë ka qenë mashtrim me qëllim për të vjedhur. Çdo projekt, program dhe politike është mashtrim për shqiptarët në shërbim të oligarkëve. Që të çlirojmë ekonominë dhe të hapim vende pune e mundësi për çdo shqiptar, duhet të largojmë Hajdutin Psiqik dhe bandën e tij grabitqare”, shprehet Basha.

https://www.facebook.com/lulzimbasha.al/videos/414935135895756/

ME TE LEXUARAT