Haradinaj në Shkup, zhvillon takim miqësor me Zoran Zaev

Kosovë&Rajon

Kryeministri në detyrë i Kosovë, Ramush Haradinaj, po qëndron në Shkup në festën e ditëlindjes së Ilir Rusit, djalit të biznesmenit të famshëm dibran, Turhan Rusi.

Në këtë festë, duket se ka qenë i ftuar edhe kryeministri maqedonas, Zoran Zaev, me të cilin Haradinaj theksoi se pati një bisedë miqësore.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Bisedë miqësore me kryeministrin e Maqedonisë së Veriut, Zoran Zaev, sonte në Shkup. Gjithmonë kënaqësi të bashkohemi me miq të mirë”, shkroi ai në Facebook.

Gjithashtu Haradinaj shprehu edhe mirënjohje për mikpritjen e tij dhe të bashkëshortes Anitës, në festën e familjes Rusi.

“Në Shkup, në festën e ditëlindjes së Ilirit, në familjen e atdhetarit të shquar dhe afaristit të suksesshëm dibran, mikut tim dhe të të gjithë shqiptarëve, Turhan Rusit, i cili një jetë u vu në shërbim te atdheut. Mirënjohës edhe dy djemve tjerë të Turhanit, Selimit dhe Arbenit me familje, për mikpritjen në ditëlindjen e vëllait Ilirit. Urime e veç për gëzime pritshi. Faleminderit për nderimin që na bëtë Anites dhe mua!”, shkroi Haradinaj.

ME TE LEXUARAT