Shoqërimet e paligjëshme, apeli liron të ndaluarit në Shkodër
Një ditë pasi liroi nga masa e sigurisë "arrest me burg" ish-deputetin Bardh Spahia, Gjykata e Apelit të Shkodrës ka lënë të lirë edhe pesë të arrestuarit e tjerë për ngjarjen në KZAZ numër 3.
Apeli la me "detyrim paraqitje" dy punonjësit e policisë bashkiake Alfred Nikolli dhe Gentian Bytyçi, specialistin e bujqësisë Adi Garuci, Aleks Ndojin dhe 17 vjeçarin Orlando Thepi.
Kështu gjykata vlerëson si të paligjshëm arrestimin e këtyre personave.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
5 personat akuzoheshin për veprat penale “Shkatërrimi i pronës me zjarr”, ”Dëmtimi me dashje i materialeve zgjedhore”, “Kundërshtimi i Punonjësit të Policisë së Rendit publik”, “Goditja për shkak të detyrës”, “Kanosja për shkak të detyrës” dhe “Mosbindja ndaj urdhrit të Policisë së Rendit publik”.