Çfarë ndodhi në Vorë/ Forcat e Rendit ngrenë duart lart

Kliko per me shume info

“Pa u liru çunat me dalë nga burgu nuk largohemi, sepse nuk kanë bërë asnjë krim. Ka tre orë që janë shoqëruar, unë pyes, ata jo thonë, Ba vakia edhe mund të jenë rrahur. Si gjithë vendet e tjera kanë tentuar që të largojnë materialet. Ka një dekret të presidentit për ti larguar. Kjo nuk është mazhorancë, kjo është mazhorancë e hajnit që e ka zbuluar gjithë Europa”, tha njëri nga protestuesit djali i të cilit është arrestuar bashkë me tre persona të tjerë.

Ndërkohë ky protestues bëri thirrje ndaj policisë ndaj kryeministrit Rama: “Këtë ministër të Brenshëm e ka dekretuar Presidenti, kush është më i madh? I lutem Edi Ramës drejtpërdrejt se thotë do të fitoj, le të fitojë, por të japë dorëheqjen e të shkojmë në zgjedhje. Këto zgjedhje dhe këto policë i ka dekretu presidenti. Ai ka dekretuar ministrin e këtyre dhe ministri urdhëron këta policë për të dhunuar qytetarët”.

Kliko per me shume info

Ndërkohë një tejtër protestues u shpreh: “Këto zgjedhje nuk do të lejohen me asnjë kusht. KQAZ-ja është e njëanshme, nuk kemi kryetar të KQZ, sepse ai është larguar për të respektuar të drejtat kushtetuese. Për ne si bashki, dhe si qytetarë nuk do të lejojmë që këto zgjedhje të zgjedhje të bëhen”.

Ka pasur një moment kur protestuesit kanë tentuar të qëllojnë me gurë ndaj efektivëve të policisë por këta të fundit kanë ngritur duart lart duke kërkuar që të mos i hidhnin.

Protestuesit kanë qenë të shumtë në numër dhe kanë thirrur “qeveri e krimit”, “e duam Shqipërinë si Europa”, “Rama ik” ndërkohë që policia ka hedhur lëndë e cila ka shkaktuar pengesë në frymëmarrje dhe djegie të syve tek qytetarët. Siç shikohet nga pamjet e mëposhtme njëri prej tyre e ka vuajtur më shumë pasi është ulur në gjunjë duke u kollitur.

Oriola Pampuri është një nga protestuesit e Vorës që është dëmtuar nga hedhja e gazit lotsjellës nga ana e policisë ndaj protestuesve që kërkojnë zbatimin e dekretit të presidentit për anullimin e zgjedhjeve të 30 Qershorit.

Ish-deputetja e Partisë Demokratike, Pampuri tepër e irrituar tha për Fax News se nëse nuk lirohen 4 protestuesit e ndaluar deri nesër, është e gatshme të vetëofrohet në qelinë e burgut ajo personalisht që të lirohen të shoqëruarit.

“Ju që hidhni gaz ndaj meje ua hedhshin motrave dhe nënave tuaja. Ne nuk do të tërhiqemi në zbatimin e dekretit të presidentit, dhe do t’ju japim kohë derin nesër për largimin e menjëhershëm të materialeve zgjedhore nga Volra, në të kuundërt shumë më shumë se kaq njerëz sa janë sot do të vijnë dhe heqin me forcë. Kanë arrestuar pa të drejtë 4 persona, nëse nuk I lirojnë deri nesër le të vijnë të më arrestojnë mua, të futem unë në burg me kushtin që të dalin 4 të arrestuarit”, tha Pampuri ndërkohë që u shpreh e vendosur se me patjetër do të largohen materialet zgjedhore nga vendi i caktuar si KZAZ në këtë qytet.

loading...

LEAVE A REPLY

Please enter your comment!
Please enter your name here