Hahn: Nuk ka hapje negociatash këtë verë

Aktualitet

Dyerët e Bashkimit Evropian do të rrinë ende të mbyllura për Shqipërinë. Kjo është ajo çka konstatoi Komisioneri i BE-së për Politikat Evropiane të Fqinjësisë dhe Negociatat e Zgjerimit Johannes Hahn.

Sipas eurokomisionerit edhe pse ende nuk është arritur të merret një vendim, negociatat për Shqipërinë dhe Maqedoninë e Veriut nuk do të hapen të paktën edhe për këtë verë, duke theksuar se BE kërkon më shumë kohë për të vlerësuar rekomandimet e KE.

Komisioneri po ashtu bën me dije se 3 janë shtetët më skeptike që pengojnë hapjen e negociatave Gjermania, Franca dhe Danimarka.

“Dua të falënderoj presidencën rumune. Ka pasur përpjekje të suksesshme. Ne kemi bërë progres në fakt. Nuk jemi aty ku do donim por kemi bërë progres.
Këshilli ka thënë se është mjaft i rëndësishëm integrimi në BE. Shpresojmë që këto vende të Ballkanin Perëndimor të integrohen në BE. Ka disa vende që nuk janë të gatshme për të pranuar hapjen e negociatave me Shqipërinë e Maqedoninë e Veriut, megjithatë BE mendon se këto vende duhet të shpërblehen.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Nuk është vetëm në interes të këtyre 6 vendeve të Ballkanit Perëndimor por edhe në interesin tonë. Është shumë e rëndësishme të bashkëpunojmë me këto vende që përmirësojmë kushtet.

Të gjitha këto bazohen edhe në merita individuale. Sipas rezultateve zgjerimi ndikon në paqe, në stabilitet në rajon pra është investim për to, megjithatë një vendim nuk është arritur të merret në lidhje me hapjen e negociatave. Nuk është arritur të merret këtë verë. Kërkojnë më shumë kohë për rekomandimet tona që të bëjnë vlerësimin e tyre”, deklaroi Hahn.

Ai tha se “shpresojmë për një vendim përfundimtar në tetor”.

ME TE LEXUARAT