Ministrja e Ramës: 5 arsye pse akti i Metës është i pavlefshëm

Politikë

E ftuar në rubrikën “Opinion” në “News 24”, ministrja e Drejtësisë Etilda Gjonaj shpjegoi juridikisht për dekretin e Presidentit Meta, për të shfuqizuar 30 qershorin si datën e zgjedhjeve vendore.

Ajo u shpreh se “situata në të cilën ndodhemi është e paprecedentë, vetë djegia e mandateve përbën një precedent të padëgjuar më parë, ndërsa tani, këtij precedenti iu shtua edhe një tjetër që nuk e përmirësoi situatën”. Gjonaj tha se “akti i Presidentit për shtyrjen e zgjedhjeve është akt absolutisht i pavlefshëm juridikisht”.

Ajo shpjegoi arsyet se pse ky akt i Presidentit Meta është i pavlefshëm.

“E paraPresidentit në Kushtetutë nuk i njihet e drejta ta zhdekretojë aktin e parë me një të dytë. Presidenti ka kompetenca në bazë të Kushtetutës neni 92 pika gj., të përcaktojë dhe vendosë datën e zgjedhjeve. Në asnjë moment Kushtetuta nuk i jep të drejtë ta zhdekretojë këtë akt me një akt të dytë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

E dyta- Presidenti ka vepruar në kundërshtim me praktikën kushtetuese, siç është vepruar deri tani në lidhje me vendosjen e datës së zgjedhjeve. Pra, ai do të duhet të kishte thirrur palët për shkak të praktikës kushtetuese.

E treta- Akti i tij është antikushtetues edhe në afate. Ka shkelur të gjitha afatet e përcaktuara në Kodin Zgjedhor, i cili thotë se nga 30 marsi deri më 30 shtator duhet të ketë zgjedhje, një nga dy të dielat e fundit.

E katërta– Kushtetuta përcakton përfundimin e mandatit të të zgjedhurve të pushtetit vendor në 10 gusht. Kushtetua nuk e ka përcaktuar më tej zgjatjen e mandatit të organeve të pushtetit vendor. Pra, Presidenti e lë vendin në një pasiguri. Pas datës 10 gusht pushteti vendor nuk është më në detyrë, i mbaron mandati. Nëse nuk janë zhvilluar zgjedhjet më 11 gusht ata nuk janë më detyrë. Nuk mundet që atë që nuk e thotë Kushtetuta të thotë një akt tjetër.

 E pesta– Po ashtu me këtë akt është cënuar e drejta e zgjedhësve për të zgjedhur. Kreut të Shtetit jo vetëm në këtë rast, por edhe në raste të tjera i takon të jetë institucional dhe jo politik. “Ai është organi më i lartë që qëndron mbi palët”.

ME TE LEXUARAT