Shkëlqen Elis Bakaj, zgjidhet në formacionin më të mirë të javës në Bjellorusi
Lajmifundit
/
4 Qershor 2019, 15:56
Sport
Elis Bakaj po kalon një formë të shkëlqyer në Bjellorusi, pasi me skuadrën e tij Shakhtor Soligorski ndodhen në vendin e tretë në kampionat.
Të premten shqiptari gjeti golin e tij të katërt në kampionat dhe të tretin për ekipin e tij në sfidën e fituar 3-1 ndaj Dnipros.
Paraqitja dhe goli i shënuar bën që shqiptari të jetë pjesë e formacionit më të mirë të javës në kampionatin bjellorus.
Shakhtor Soligorski ndodhet në vendin e tretë me 24 pikë, aq sa ka Bate Borisov i vendit të dytë dhe ka dy pikë më pak se Bresti që kryeson.