Mbetet pa jetë në mënyrë misterioze, la pas vajzën dhe gruan shtatzënë

Aktualitet

Orët e para të ditës së djeshme kalimtarë të rastit e panë në makinë shqiptarin, shenjat tregonin se ai kishte vdekur.

Dhe në fakt ashtu ishte, 33 vjeçari kishte ndërruar jetë. Këtë të martë, media italiane ka zbardhur një sërë detajesh në lidhje me Alfons Kajan, i cili u gjet i vdekur në makinë në San Severino. I riu la pas gruan shtatzënë dhe një vajzë të vogël veçse dy vjeçare.

Vdekja e shqiptarit ka përcjellë një mister të madh, pasi mbetet ende e paqartë sesi i riu ka humbur jetën. Mjekët e parë që shkuan në vendngjarje panë se zemra e tij kishte pushuar dhe pavarësisht ndërhyrjes, ai nuk u rianimua dot më.

Familjarët po ashtu kanë treguar për median italiane kohën se kur e kanë parë për herë të fundit. Një kushëri i tij shprehet se e kishte parë pasdite Alfonsin dhe se 33 vjeçari i kishte thënë se nuk ndihej mirë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Shenjat e një gjendje jo të mirë shëndetësore i riu ia kishte komunikuar në darkë gruas, rreth orës 21:00 duke i thënë se kishte tension të lartë. Një vizitë në spital u krye po atë natë dhe mjekët nuk gjetën probleme serioze shëndetësore, duke e lënë të lirë që të shkonte në shtëpi. 33 vjeçari ka shkuar në banesë dhe pas gjumit është bërë gati në orët e para të mëngjesit për të shkuar në punë. Ka marrë makinën dhe është nisur, por fatkeqësisht nuk është kthyer më.

E pikërisht kjo situatë e ka kthyer edhe në më shumë misterioze humbjen e parakohshme të shqiptarit. Avokati mbrojtës i familjes shprehet se ka nisur hetimet e tij për të parë dokumentacionin në spital në lidhje me diagnozën e shqiptarit.

“Ne duam të kuptojmë nëse ka pasur ndonjë përgjegjësi, sepse me siguri se çfarë ndodhi është shumë e çuditshme – komenton avokati – Ne do të kërkojmë të gjithë dokumentacionin mjekësor në spital, pasi ai shkoi në dhomën e urgjencës mbrëmë për probleme të tensionit të lartë. Pra, ne duam të dimë nëse ai është ‘shkarkuar’ nga spitali me lehtësi ose jo ».

ME TE LEXUARAT