Urbanët, pak muaj para zgjedhjeve, Vangjush Dako rrit cmimin e biletave në Durrës

0

Këshilli Bashkiak i Durrësit, ka miratuar propozimin e Bashkisë për rritjen e çmimit të transportit qytetas me autobusë nga 30 në 40 lekë për udhëtar.

Këshilltarët e majtë dhe ata të LSI-së, përfaqësues të qytetarëve durrsakë në këtë këshill, bashkuan votën për ta miratuar këtë rritje të çmimit, pa asnjë hezitim në lidhje me koston sociale të këtij vendimi, në mbledhjen e datës 11 mars.

Kliko per me shume info

Shumë prej qytetarëve që udhëtojnë rëndom në linjat urbane të Durrësit nuk janë ende në dijeni të këtij vendimi që hyn në fuqi 10 ditë pas shpalljes së tij. Procesi për rishikimin e tarifës është kryer pa konsultime me grupet e interesit, duke marrë në konsideratë vetëm ankesën e dy operatorëve privatë për rritje të vazhdueshme të shpenzimeve.

Top Channel kontaktoi në linjë telefonike dhe me qendrën e Konsumatorit Shqiptar në Durrës, e cila ka monitoruar shërbimin e transportit publik në këtë bashki, por as kjo qendër nuk ishte në dijeni të këtij vendimi. Ndërkohë sipas Bashkisë së Durrësit, rritja e çmimit të biletës, do të sjellë dhe rritje të cilësisë së shërbimit në 6 linjat aktuale të transportit urban në qytetin bregdetar.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.