3 vepra penale? Reagon Ylli Shehu: Ky është sulm i LSI-së ….

0

Pas daljes së lajmi se deputeti I ri në Kuvendin e Shqipërisë nuk kishte deklaruar në formularin e dekriminalizimit të dërguar në Komisioni Qëndror të Zgjedhjeve lidhur me një dënim të marrë në vitin 2008, ky i fundit ka reaguar duke deklaruar se ky është një sulm I partisë për të cilën ai ka bërë fushatë në vitin 2017.

Sipas Shehut gjoba për të cilën bëhet fjalë nuk e pengon atë ligjërisht që të marrë funksionin e deputetit.

Kliko per me shume info

“I gjithë ky sulm bëhet për të dekurajuar kolegët dhe koleget e tjera që janë në proces të marrjes së mandatit. Unë jam shumë i qetë dhe i përgjegjshëm për detyrën që kam”, shkruan Shehu në rrjetet sociale.

Reagimi i plotë:

Nuk kam asnjë dyshim që prej ditës kur vendosa të marr mandatin e deputetit, do të kthehesha në shënjestër të sulmit të partisë për të cilën unë bëra fushatë në vitin 2017. Por dua t’ua bëj të qartë që unë kam qenë në Parlament në vitin 2015 kur e kam votuar Ligjin për Dekriminalizimin dhe e di fare mirë kush janë detyrimet e mija si subjekt deklarues dhe se dekriminalizimi ka në thelb dënimet me burg, jo gjobat. 
Çdo kush e kupton se po të kisha deklaruar një gjobë administrative, nuk rrezikoja asgjë, pasi dënimi nuk hyn në kategorinë e veprave që përbëjnë kushte për të mos u zgjedhur. 
Pra, logjikshëm, unë nuk mund të kem fshehur me qëllim një gjë që nuk më dëmtonte. Madje shikoni formularin dhe aty gjendet një dënim me gjobë edhe pse nuk ka qenë detyrim.

Për të gjithë ata që fërkojnë duart nga kjo situatë, kujtoj se gjobitja është bërë në vitin 2008, dhe në vitin 2015-2017 kur kam qenë deputet, unë i jam nënshtruar verifikimit në bazë të ligjit të dekriminalizimit, dhe kam rezultuar i pastër.

Edhe nëse ky rast do të përbëjë arsye për një rikontroll, shpreh gatishmërinë time për të bashkëpunuar me çdo institucion ligjzbatues para të cilëve asgjë s’kam për të fshehur.

I gjithë ky sulm bëhet për të dekurajuar kolegët dhe koleget e tjera që janë në proces të marrjes së mandatit. Unë jam shumë i qetë dhe i përgjegjshëm për detyrën që kam.

Kujtojmë se Gjykata e Korçës e ka gjetur fajtor Shehun për tre vepra penale të cilat kanë të bëjnë me futjen e një automjeti në vitin 2003 pa paguar detyrimin e saktë doganor duke tentuar ta zhdoganonte në Degën e Doganës së Korçës me dokumenta të rreme, mjet të cilin Shehu e ka shitur një vit më vonë.

Kjo gjykatë vendosi ta dënojë Shehun me 60 000 lekë gjobë në total për tre veprat penale.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.