Operacioni Fier, kapet një tjetër anëtar i grupit të Met Kananit

Aktualitet

Policia njoftoi diten e sotme se një tjetër anëtar i një grupi të strukturuar kriminal në fushën e narkotikëve ka rënë në pranga të premten.

Mësohet se 36-vjeçari G.V., banues në Fier, ndaj të cilit Gjykata e Shkallës së Parë për Krimet e Rënda në kryeqytet kishte caktuar masën e sigurimit “arrest me burg”, i akuzuar për veprën penale të “trafikimit të lëndëve narkotike”.

Arrestimi i tij vjen në vazhdën e operacionit të koduar “Precizioni”, i nisur në funksion të procedimit penal të vitit 2017, e që në shtatorin e një viti më parë pa një tjetër anëtar të grupit kriminal të Met Kananit, të ndalohej.

Vet kreu i grupit, Met Kanani, trafikant shqiptar me pasaportë amerikane kundër të cilit ishte aktivizuar DEA disa agjenci europiane, është arrestuar në maj të vitit 2018 së bashku me një pjesë të mirë të “ushtrisë së tij” në Turqi.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Burime nga policia e Fierit thonë se shumë shpejt do të ketë edhe arrestime të tjera.

ME TE LEXUARAT