Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Tarifa 100% ndaj mallrave serbe, BE i ofron kompromis Haradinajt

Tarifa 100% e vendosur nga Kosova për mallrat serbe duket se ka sjellë edhe efektin e parë.

Përfaqësuesja e lartë e BE-së Mogherini, Komisionerja për tregti Malmstrom dhe Komisioneri Hahn në një letër të përbashkët drejtuar Kryeministrit të Kosovës Ramush Haradinajt, ofrojnë opsion për zgjidhjen e problemit të tarifave ndaj Serbisë.

BE ofron mes tjerash që emërimi “UNMIK” në CEFTA të zëvendësohet me “Kosova*”. Por kërkojnë që, si shenjë e vullnetit të mirë, paratë hënës 17 dhjetor, kur në Bruksel zhvillohet takimi i Këshillit të MSA-së,Kosova përkohësisht të pezullojë zbatimin e vendimit për tarifën ndaj mallravenga Serbia dhe Bosnja e Hercegovina.

Koha.net shkruan se këta pjesëtarë të Komisionit Evropian letrën Kryeministrit të Kosovës e kanë shkruar edhe duke adresuar disa shqetësime që Haradinaj ua ka shprehur në letrën që ai e kishte dërguar më parë kur kishte sqaruar arsyet pse Kosova kishte vendosur këto masa.

“Ne kemi marrë në dijeni po ashtu edhe listën erasteve të praktikës tregtare nga ana e Serbisë dhe Bosnje e Hercegovinës që sipas këndvështrimit të Kosovës, paraqesin barriera në zbatimin korrekt tëaranzhimeve të CEFTA-s dhe krijojnë problem domethënëse në terren për veprimetekonomike dhe për qytetarët”, thuhet në letër.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet