Itali, 43 viktima nga shembja e urës Morandi, nxirret edhe trupi i një 31-vjeçari

Bota

Rendohet serish bilanci i ngjarjes tragjike ne Itali. 43 të vdekur është bilanci përfundimtar i viktimave pas tragjedisë që ndodhi në Genova, ku u shemb një pjesë e urës Morandi.

Pasdite mediat në Itali raportojnë se është nxjerrë edhe viktima e fundit nga rrënojat, Mirko Vicini, 31 vjeç. Ndërsa ka ndërruar jetë edhe një prej të plagosurve, shetasi rumun 36-vjeçar Marian Rosca.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Mirko Vicini i cili u gjet sot nën rrënoja, pak para tragjedisë ishte poshtë urës për të marrë turnin, pasi punonte për AMIU, firmën e pastrimit të bashkisë.

Trupi i kolegut, Bruno Casagrande, u gjet, ndërsa Vicini rezultoi të ishte i fundit. Nëna e tij Paola prej 4 ditësh qëndronte tek rrënojat, në pritje të një lajmi.

Ndërkohë gjatë natës u nxor nga rrënojat makina ku ishte një familje.

"Tgcom" shkruan se bëhet fjalë për familjen Cecala, babai Cristian, nëna Dawna dhe vogëlushja e tyre 9-vjeçare Kristal. Makina me trupat e pajetë u zbulua gjatë natës, nën një bllok të madh prej çimento në urën Morandi.

Tragjedia në Genova ndodhi mesditën e 14 gushtit, ku u shemb një pjesë e Urës Morandi.

ME TE LEXUARAT