Furgoni hyri mes turmës, rëndohet bilanci, 9 të vdekur në Toronto

Bota

Dhjetëra këmbësorë u përplasen nga një furgon që sipas dëshmitarëve ishte ngjitur mbi trotuar. Mjeti ishte larguar nga vendngjarja pas incidentit në një zonë të shumë-frekuentuar në veri të qytetit kanadez të Torontos.

Policia e lokalizoi furgonin disa blloqe më larg dhe shoferi u arrestua. Deri tani janë konfirmuar 9 të vdekur, ndërsa 16 të tjerë të plagosur. Policia i ka kërkuar publikut të evitojë zonën.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Incidenti ndodhi në Yonge Street dhe Finch Avenue në orën 13.30 sipas orës lokale.

Pamjet nga vendi i ngjarjes tregonin policë të armatosur dhe skuadrat e emergjencave që ndihmonin njerëzit e lënduar. Një qese portokalli që dukej se mbulonte një trup, shihej po ashtu në një prej ambulancave.

Nuk është ende e qartë nëse bëhet fjalë për një akt të qëllimshëm apo për një incident. Mediat kanadeze shkruajnë se furgoni ishte i marrë me qira dhe citojnë dëshmitarë që tregojnë se ai ishte ngjitur qëllimisht mbi trotuar duke ndjekur këmbësorët.

Këto ditë, pikërisht në Toronto zhvillohet takimi i ministrave të jashtëm të G7-ës, por policia kanadeze thotë se për momentin, nuk përjashtohet asnjë pistë. Kryeministri kanadez, Justin Trudeau, tha ndërkohë para gazetarëve se po ndiqte nga afër situatën.

ME TE LEXUARAT