Presidenti Meta emëron shef kabineti diplomatin Arben Cici

Kliko per me shume info

Presidenti i ri i Republikës, Ilir Meta ka emëruar Arben Cicin shef të kabinetit në Presidencë. Arben Cici është një emër i njohur në fushën e diplomacisë, pasi ka shërbyer në Ministrinë e Jashtme, ndërsa ka qenë ambasador, por edhe këshilltar i ish-Presidentit Bamir Topi.

Kush është Arben Cici
Arben Cici u lind në Korçë më 1960. Pas diplomimit në Universitetin e Algjerit, Fakulteti i Përkthimit (1988), ka punuar si pedagog në Universitetin e Tiranës, Katedra e Gjuhës Frënge (1988-1992).

Kliko per me shume info

Nga viti 1992 shërben në fushën e diplomacisë, përkatësisht: Ministrinë e Punëve të Jashtme, Ambasador i Shqipërisë në Federatën Ruse, Drejtor i Protokollit të Shtetit, Ambasador në Republikën e Kroacisë, Danimarkë, Drejtor i Protokollit të Shtetit, Këshilltar Diplomatik i Presidentit të Republikës.

Mban titullin e Doktorit të Shkencave Historike që nga viti 1999. Aktualisht jep mësim në disa universitete publike dhe private në Tiranë dhe Prishtinë në fushën e marrëdhënieve ndërkombëtare, diplomacisë e ceremonialit diplomatik.

Është autor i botimit të parë të ”Ceremonialit zyrtar të Republikës së Shqipërisë” (1988), bashkautor i librit ”Hyrje në teoritë politike moderne” (2009) dhe autor i shumë artikujve shkencorë e publicistikë në fushën e diplomacisë dhe më gjerë.

Zotëron gjuhët frënge, angleze, arabe dhe italiane. Fryt i interesave dhe i punës së tij shkencore në historinë e diplomacisë shqiptare është edhe libri ”Marrëdhëniet shqiptaro-italiane në vitet 1920-1934” që keni në dorë.

loading...

LEAVE A REPLY

Please enter your comment!
Please enter your name here