Lajmi Fundit
LajmiFundit, Portal me Lajme nga Shqiperia

Masakër në shtëpi, shqiptari vret me thikë nusen në sy të fëmijëve

Një krim i rëndë ka ndodhur në një familje shqiptare që jeton në Graz në lagjen Wetzeldorf të Austrisë 25-vjeçari shqiptar me origjinë nga Kosova, Besmir K. ka telefonuar në polici rreth orës 5:30 të mëngjesit për të raportuar një vrasje të kryer nga vetë ai. Besmiri ka rrëfyer në lidhje me vrasjen e bashkëshortes në sy të fëmijëve. “Unë dua të raportoj një vrasje. Unë kam vrarë gruan time me thikë”, – ka thënë 25-vjeçari shqiptar në telefonatën bërë në polici.

Mediat e huaja shkruajnë se ai ka sulmuar me thikë partneren e tij, Michaela K. nënë e tre fëmijëve, dhe e ka njoftuar vetë policinë dhe i ka pritur në ballkonin e shtëpisë. Gruaja e tij 31-vjeçare pas masakrimit që i bëri me thikë i shoqi, u gjet e vdekur në dyshemenë e banesës, e prerë disa herë me thikë.

Policia austriake bën të ditur se ndër të tjera ai kishte disa orë e vdekur. Shqiptari jetonte në Austri dhe kishte marrë nënshtetësinë. Dëshmitarët nga ana tjetër janë shprehur se mes çifti ka pasur konflikte dhe disa herë ka pasur edhe përzënie të njëri-tjetrit nga shtëpia. Një fqinje është shprehur në polici se kishte dëgjuar britma.

Ajo ishte zgjuar diku rreth orës dy e gjysmë nga të bërtiturat. “Kam menduar, që vinin nga parku dhe kam fjetur sërish”, ka thënë gruaja.

Ndërsa nga ana tjetër në banesën ku ndodhi ngjarja ka qenë dhe djali 5-vjeçar i viktimës nga një martesë e mëparshme dhe foshnja tremuajshe e çiftit. Viktima ishte gjithashtu nënë e një vajze 9 vjeçe, e cila ndodhej me babain e saj për fundjavë. Ende nuk dihet motivi që ka sjellë vrasjen.

Trupi i pajetë i gruas, mësuese kopshti i është nënshtruar autopsisë për të ndihmuar në zbardhjen e plotë të ngjarjes. Policia austriake gjithashtu ka gjetur edhe armën e krimit, një thikë kuzhine.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet