Atentati te Skela në Vlorë, policia heton prishjen e pazareve të drogës

Aktualitet

Prishja e pazareve të drogës është pista ku policia e Vlorës është fokusuar në kuadër të hetimeve për vrasjen e pasdites së të djelës.

Viktima, Jetnor Toro, i njohur ndryshe me emrin Refit, rezulton person me precedentë penalë në skedarët e policisë, si dhe i hetuar nga autoritetet në Itali.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Dëshmitarë të pyetur nga policia kanë deklaruar se para vrasjes Toro ishte parë të qarkullonte me makinën e tij “Mitsubishi” në zonën e Skelës, si dhe të fliste për një kohë të gjatë në telefon.

Më pas, kur ndaloi pranë një pike karburanti, vrasësi hapi zjarr ndaj tij dhe dy plumba që e kapën në qafë dhe bark rezultuan fatalë për 32-vjeçarin.

Sipas dëshmitarëve, pas ekzekutimit autori u largua duke u futur mes pallateve, ndërkohë që policia dyshon se ai u ndihmua nga një mjet tjetër për të humbur gjurmët. Pritet që zbardhja e tabulatëve telefonikë të hedhë dritë mbi këtë ngjarje./tch

ME TE LEXUARAT