Shqipëria parakalon në Lojërat Olimpike, Luiza Gega ngre flamurin

rio-shqiperiaShqipëria dhe atletët që përfaqësojnë mëmëdheun kanë parakaluar në ceremoninë hapëse të Lojërave Olimpike, Rio 2016.

Flamurin kombëtar e mbajti Luisa Gega, atletja e njohur shqiptare. Shqipëria parakaloi ndër të parat, për shkak të rendit alfabetik. 6 sportistë do të përfaqësojnë Shqipërinë në Lojrat Olimpike të Rios.

Kliko per me shume info

Peshëngritësja Evangjeli Veli do t’i bashohet delegacionit shqiptar, pasi në orët e fundit, Federata e Peshëngritjes ka marrë një ftesë shtesë dhe në këtë mënyrë, Veli do të garojë me më të mirat e planetit në kategorinë 53 kg.

Lajmin e bën të ditur edhe Federata Ndërkombëtare, duke konfirmuar ftesën për një shtangiste femër dhe në këtë rast është Veli që do të udhëtojë drejt Brazilit për të përfaqësuar shtangën shqiptare në kategorinë e femrave pas vendit të pestë të regjistruar në Europian, shkruan Supersport.

Në fakt është Rusia ajo që ka dhuruar një asist për Shqipërinë pas pezullimit të garuesve nga Rusia për shkak të skandalit të dopingut.

Në këtë mënyrë, në total 8 sportistët rusë, 3 femra dhe 5 meshkuj u përjashtuan dhe ata do të zëvendësohen me disa sportistë nga disa vende të ndryshme të botës.

Veli garon në kategorinë deri në 53 kg dhe objektivi i saj do të jetë përmirësimi i paraqitjes së fundit në europian ku nuk arriti të futej në zonën e medaljeve. Në këtë mënyrë, Veli i bashkohet listës së 5 sportistëve të tjerë, Luiza Gega, Izmir Smajlaj, Sidni Hoxha, Briken Calja dhe Nikol Merizaj.

loading...