Letra, ky është fubollisti i parë që mund të braktisë Shqipërinë për Kosovën

Kliko per me shume info

xhakaFutbollisti i kombëtares zviceriane Taulant Xhaka nuk e ka përjashtuar mundësin që të luajë për Kosovën pas Euro 2016 edhe pse ditë më parë ka deklaruar se nuk do t’i bashkohet përfaqësueses së Kosovës, e cila së fundi u njoh nga FIFA dhe UEFA.

Po ashtu mendon edhe vëllai i madh i Granitit, Taulanti i cili në një letër të hapur për “Neue Zürcher Zeitung”, ka zbuluar se ende nuk ka vendosur përfundimisht nëse do t’i bashkohet apo jo Kosovës.

Kliko per me shume info

“Sido që të vendos, do të ketë gjithmonë njerëz që do të thonë se jam tradhtar”, ishin fjalët e Taulantit në një rrëfim të gjatë të asaj që ndjen para ndeshjes Shqipëri-Zvicër, duke sinjalizuar ndoshta largimin e tij drejt Kosovës.
Letra e Taulant Xhakës
“Shtëpia ime është në Zvicër, u linda dhe u rrita këtu. Më qartësisht është Bazeli, e kuptova kur isha larg për pak kohë, te Zurich dhe Grasshopers. Këtu në Zvicër unë mora gjithçka që më nevojitej: shkollën, futbollin, miqtë. I jam mirënjohës për këtë. Fillova edhe studimet e larta, u shkëputa, por gjithsesi m’u dha mundësia. Unë isha në gjendje të luaja për të rinjtë e Zvicrës. Po, mendoj se Zvicra është vendi i mundësive.

Por unë nuk i harroj asnjëherë rrënjët e mia. Ato janë në Kosovë, prindërit e mi janë nga atje. Ne shpesh shkojmë në Prishtinë për pushime, gjyshërit e mi jetojnë atje. Nuk do ta fsheh kurrë origjinën time dhe si një futbollist i përfaqësueses shqiptare, nuk do ta bëj asnjëherë një gjë të tillë.

Debutova në shtatorin e vitit 2014 dhe mund të them se kjo nuk ka ndryshuar marrëdhëniet e mia me Zvicrën, që nga momenti kur zgjodha Shqipërinë. Ky nuk ishte një vendim kundër Zvicrës. Thjesht, në atë kohë, Shqipëria shfaqi më shumë interes për mua. Unë kam dashur gjithmonë që të luaj për një kombëtare, qoftë për Zvicrën, apo për Shqipërinë. Unë thjesht desha të bëj një hap para dhe të luaja ndeshje ndërkombëtare.

Tani që kemi shkruar historinë me Shqipërinë duke u kualifikuar në Kampionatin Europian, emocionet që më kanë dhuruar njerëzit janë bërë pjesë e imja. Por më duhet ta pranoj: çështja e përkatësisë nuk është gjithmonë e lehtë, jo vetëm sepse vëllai im Graniti luan për kombëtaren zvicerane. Ne vendosëm bashkë me prindërit që të mos flasim rreth kësaj teme dhe thjesht ta pranojmë për atë që është: një ndeshje në kalendarin e Europianit.

Megjithatë, mund ta ndjej tensionin. Dhe tani ka edhe diskutime rreth ekipit kombëtar të Kosovës. Për mua, kjo nuk është çështje për diskutim për momentin. Graniti e ka thënë qartësisht se ai do të vazhdojë të luajë për Zvicrën. Por, unë nuk dua të bëjë komente për momentin. Sido që të vendos, do të ketë gjithmonë njerëz që do të thonë se jam tradhtar. Shpesh është e vështirë të bësh zgjedhjen e duhur”. – See more at: http://shqiptarja.com/sport/2726/taulant-xhaka-pas-europianit-do-te-shkoje-te-kosova–letra-360197.html#sthash.LuwNkmnW.dpuf

loading...

LEAVE A REPLY

Please enter your comment!
Please enter your name here