Reforma në drejtësi, PD-PR: Drafti më i mirë ai që respekton “Venecian”

Kliko per me shume info

pd-seli2015Kreu i Partisë Republikane Fatmir Mediu, u shpreh të enjten në mbrëmje, se “drafti më i mirë për reformën në drejtësi është ai që respekton pikë për pikë rekomandimet e Komisionit të Venecias”.

Kështu deklaroi Mediu pas takimit që zhvilloi kreu i Partisë Demokratike, Lulzim Basha me ekspertët e opozitës në selinë e PD-së.

Kliko per me shume info

“Ne do të kemi gjykimet tona nesër në komisionin ad-hoc që do zhvillohet në parlament. Opozita ka shprehur tashmë gjykimin dhe shqetësimet e saj. Shpesoj që në komisionin ad hoc të kemi një diskutim sa më të mirë”, tha Mediu.

Halimi: Opozita këmbëngul që drafti të pasqyrojë të gjitha rekomandimet e Komisionit të Venecias
Edhe deputeti demokrat Eduard Halimi, pas takimit u shpreh se, “në mbledhjen e komisionit parlamentar, opozita do të këmbëngulë që drafti për reformën në drejtësi të pasqyrojë një më një rekomandimet e Komisionit të Venecias”.

Drafti duhet të mbajë një më një 138 rekomandimet e Komisionit të Venecias. Çdo devijim ose fshehje nga rekomandimet ka qëllim kapjen e sistemit të drejtësisë, tha ai. Për PD-në, vijoi ai, reforma në drejtësi është jetike, pasi ajo duhet ta mbajë sistemin e drejtësisë të pavarur”.

“Çdo devijim nga rekomandimet e Komisionit të Venecias ka për qëllim kapjen e këtij sistemi. Edi Rama do të kapë drejtësinë për të mbrojtur kriminelët me të cilët fitoi zgjedhjet dhe me të cilët qeveris. Ky është qëllimi i vetëm që ai ka në këtë proces. PD edhe nesër do të këmbëngulë që drafti të pasqyrojë një më një Rekomandimet e Venecias. Ne jemi me Venecian, e cila thotë se zgjedhja e kupolës me 84 vota çimenton kapjen e drejtësisë”, deklaroi Halimi.

loading...

LEAVE A REPLY

Please enter your comment!
Please enter your name here